Xabaringiz bor, bundan keyin Superliga va Pro-liga klublarida ishtirok etadigan futbolchilarning jismoniy holati O‘zbekiston futbol Assosiasiyasi tomonidan tasdiqlangan test-sinovlari orqali nazorat qilib boriladi.
Futbolchilar topshiradigan test-sinovlari O‘zbekiston futbol Assosiasiyasining Texnik rivojlantirish boshqarmasi ilmiy-metodik guruhi mutaxassislari tomonidan ishlab chiqilgan.
Bugun O‘zbekiston Yoshlar Ittifoqining “Iftixor” jamoasi futbolchilari “Istiqlol” stadionida jismoniy tayyorgarlik holati bo‘yicha ilmiy guruh vakili Shamil Iseev boshchiligidagi nazorat sinovidan o‘tdilar. Futbolchilar 4 yo‘nalishda (30 metrga yugurish, joyidan uzunlikka sakrash, 7x50m va "Yo Yo" test) normativ shartlarini bajarishdi. Shuningdek, darvozabonlar to‘pni qo‘l hamda oyoq bilan uzoq masofaga yetkazish bo‘yicha sinovdan o‘tkazildi.
