MOQ Prezidenti va O‘FA birinchi vise-prezidenti Umid Ahmadjonov bugun Namangan viloyatiga tashrif buyurdi.
Umid Ahmadjonov Namanganga tashrifini yaqinda mamlakat Prezidenti farmoni asosida Milliy olimpiya qo‘mitasi tasarrufiga o‘tkazilgan Chortoq tumanidagi serjantlar tayyorlash maktabi negizida tashkil etilayotgan sport o‘yinlari bo‘yicha olimpiya tayyorgarligi markazidan boshladi va u yerdagi sharoitlar bilan yaqindan tanishdi. Yaqin orada bu yerda sport o‘yinlari bo‘yicha Olimpiya terma jamoalarimz uchun zamonaviy baza bunyod etiladi. Inshoot terma jamoalarimizning asosiy bazalaridan biri bo‘ladi.
Milliy olimpiya qo‘mitasi va O‘zbekiston futbol assosiasiyasining qo‘shma komissiyasi u yerda amalga oshirilayotgan ishlarni ko‘zdan kechirmoqda.
MOQ rahbari bugun shuningdek viloyatdagi bir qator ob’ektlarga, Olimpiya zaxiralari kollejiga, shuningdek, "Markaziy" stadionda bo‘lib o‘tadigan Superliganing ochilish uchrashuvlaridan biri "Navbahor" - "Lokomotiv" o‘yiniga tashrif buyuradi.