“Barselona” klubining bir necha futbolchisi 29-tur doirasida “Atletik”ga qarshi o‘yinni o‘tkazib yuboradi.

Jumladan, Serxio Buskets va Tomas Vermalenlar jarohat sabab bugun “Barselona”ga yordam bera olishmaydi.

Nelson Semedu va Denis Suares jarohatlaridan forig‘ bo‘lishda davom etishmoqda. Luis Suares esa sariq kartochkalari to‘planib qolgani uchun bugun maydonda ko‘rinish bermaydi.

Shuning evaziga “Barselona” bosh murabbiyi Ernesto Valverde Yerri Mina va yarim himoyachi Karles Alenyani tarkibga kiritdi.

Ma’lumot uchun, “Barselona” – “Atletik” uchrashuvi bugun, 18 mart kuni Toshkent vaqti bilan soat 20:15 da boshlanadi.