“MYU” yarim himoyachisi Pol Pogba PSJ hujumchisi Neymar haqida gapirib o‘tdi.

“U men haqimda nima deganini yaxshi eslayman (2016 yil Neymar Pogbani “Barselona” tarkibiga mos kelishini aytgandi), u ham menga futbolchi sifatida yoqadi. Maydondagi harakatlaridan zavq olish mumkin.

Braziliyada futbol – bu hammasi degani. Futbol – bu hayot. Hamma braziliyalik hech bo‘lmasa bir marta bo‘lsa-da futbol o‘ynab ko‘radi. Neymar o‘yinlarini ko‘rib undan tezlik sirlarini o‘rganishga harakat qilaman. Uning o‘yinlarini ko‘rib boraman.

Neymarning o‘z uslubi bor, uni qayerda ko‘rishdan qat’iy nazar Neymar ekanligini bilish qiyinchilik tug‘dirmaydi. Men uchun Neymar bilan bir jamoada o‘ynash katta sharaf bo‘lardi”, – dedi Pogba.