Klublarda ushbu yigitlarni transfer to‘lovisiz o‘z tomoniga og‘dirish imkoniyati bor. Faqat buning uchun hozirdan harakat boshlash talab etiladi.
Zero, ular har lahzada amaldagi jamoalari yoki qaysidir da’vogar klubga og‘zaki rozilik berishlari mumkin. Xullas, quyidagi fotojamlanmada yaqin 2-3 oy ichida yangi shartnomani rasmiylashtirishmasa, yozda ozod agentga aylanadigan futbolchilar haqida ma’lumot berilgan (manba: championat.com).
To‘g‘ri, ayrimlari kelajaklariga oydinlik kiritib ulgurgandirlar, ammo hozircha ko‘p narsa mavhum. Asosiy fakt shuki, ular ayni payt mustaqil ravishda muzokara olib borishga haqlilar.
Ushbu ma’lumotnoma shaklidagi maqolada futbolchilarning bozordagi taxminiy bahosi transfermarkt.de sayti talqini bo‘yicha keltirilganini ham qo‘shimcha qilish joiz.
1. Stefan de VREY («Lasio»)
Yoshi: 26.
Transfer narxi: 35 mln. yevro.
Gollandiyalik himoya-chi «Lasio» darajasidan o‘zib ketdi, ammo klub 2 yildan buyon uni qo‘yib yubormayapti. Natijada de Vrey ham achchiqlan- di, shekilli, yangi shartnomaga imzo chekmadi.
Asosiy da’vogarlar: «Manchester Siti», «Liverpul»
2. Emre JAN («Liverpul»)
Yoshi: 24.
Transfer narxi: 28 mln. yevro.
Yurgen Klopp yarim himoyachini tinmay maqtayapti, biroq yangi shartnoma masalasida biror yangilik yo‘q. Germaniyalik mutaxassis yaqinda hali hech narsa hal bo‘lmaganini ham tan oldi:
«Nima derdim, agar Emre ketishga qaror qilsa, u bilan do‘stona xayrlashamiz». Taniqli futbol agenti Federiko Pastorelloning aytishicha esa, turk yigitining «Yuventus» safini to‘ldirishi ehtimoli katta.
Asosiy da’vogar: «Yuventus»
3. Mario BALOTELLI («Nissa»)
Yoshi:27.
Transfer narxi: 22 mln. yevro.
Bebosh futbolchi Fransiyada barqaror ravishda sifatli futbol ko‘rsatmoqda. Samaradorligi ham joyida. Shunday ekan, Mario yana kuchliroq chempionatda o‘ynashni istab qolishi hech gap emas. «Nissa» prezidenti Jan-Pyer Rivyerning tan olib aytishicha, agar klub joriy mavsum yevrokuboklarga yo‘llanma ololmasa, Balotelli ketadi - bu aniq.
Asosiy da’vogarlar: «Yuventus», «Napoli», «Roma», Inter»
4. Jek UILSHIR («Arsenal»)
Yoshi: 26.
Transfer narxi: 18 mln. yevro
Jek yangi shartnoma ostiga imzo chekib, «Arsenal»da qolishi ham mumkin. Biroq bitta muammo bor - maosh. Uilshir ayni payt haftasiga 110 ming funt olyapti, «Arsenal» esa bu miqdorni 80 mingga tushirmoqchi.
Asosiy da’vogarlar: aniq ma’lumot yo‘q
5. BERNARD («Shaxtyor»)
Yoshi: 25.
Transfer narxi: 16 mln. yevro.
Hujumkoryarim himoyachi qishdayoq «Shaxtyor»dan ketardi, agarda «Napoli»dan o‘ta katta maosh so‘ramaganida. Endi esa yozda erkin agent sifatida yanada balandroq talab qo‘yishi mumkin. Aytish o‘rinli, «Shaxtyor» 2013 yili braziliyalik futbolini 25 mln. yevroga sotib olgandi.
Asosiy da’vogar: «Napoli»
6. Maks MAYER («Shalke)
Yoshi: 22
Transfer narxi: 16 mln. yevro
Mayer - «Shalke»ning navqiron yulduzi, CHLda 17 yoshida debyut qilgan vunderkind. U o‘tgan yili amaldagi shartnomasi muddatini uzaytirishdan bosh tort-di. Demak, Maks erkin agent sifatida kuchliroq jamoa safiga qo‘shilishni o‘ylamoqda, chog‘i.
Asosiy da’vogarlar: «Arsenal», «Barselona»
7. Lyuk SHOU («Manchester Yunayted»)
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
