Germaniya terma jamoasi bosh murabbiyi Yoaxim Lyov Ispaniyaga qarshi o‘rtoqlik uchrashuvi (1:1) taassurotlari bilan o‘rtoqlashdi.
"Har ikki jamoa yaxshi o‘ynadi. Bu o‘zimiz saviyamizdagi jamoa bilan yaxshi imtixon bo‘ldi. Har ikki jamoa hujum va pressing uyushtirishga harakat qildilar. Ba’zi hollarda ispanlar bizga muammolar yaratdilar, bundan ijobiy saboq chiqardim. O‘yin saviyamiz yuqori ekanidan mamnun bo‘ldim.
Kimdir jahon chempionatida qatnashadigan jamoani yutish oson bo‘ladi desa - adashadi. Ispaniya va uning klublari Yevropada o‘ta yuqori saviyani ko‘rsatmoqdalar. Ispaniya termasi ahon chempionati oldingi qatorlarda bo‘ladi", - deydi Lyov.
JCH-2018da Germaniya termasi Meksika, Shvesiya, Janubiy Koreya bilan bir guruhda, Ispaniya termasi esa Portugaliya, Marokash va Eron bilan bir guruhda kurash olib boradilar.
