"Istambul" yarimhimoyachisi Arda Turon ayoliga qaltis savol bergan jurnalistlar bilan janjallashib ketishiga bir bahya qoldi.

Restorandan chiqishida futbolchi va uning turmush o‘rtog‘ini jurnalistlar o‘rab oldilar, ulardan biri futbolchining ayoliga qarab, yaqinda bo‘lib o‘tgan to‘y marosimida juda kamtar bo‘lgani haqida savol berdi.

Futbolchining ayoli bu savolga barmog‘ini lablariga qo‘yiish ishorasi bilan javob berdi. Jurnalist yana savol berdi: "Arda sizga gapirishni taqiqlab qo‘yganmi?"

Bundan Turonning achchig‘i chiqib ketdi va jurnalistga shunday dedi: "Sal o‘zingni bos, bo‘lmasa boshingi yoraman. Sen mening xotinim bilan gaplashyapsan!"

Shundan so‘ng juftlik marosimni taksida tark etdilar.