Dastavval noma’lum muddatga qoldirilgan Superliga 4-turining AGMK – “Lokomotiv” qarama-qarshiligi 31 mart kuni o‘tkaziladigan bo‘ldi.
Shu boisdan “Lokomotiv” jamoasi vakillari ayni damda mazkur o‘yinga tayyorgarlikni davom ettirmoqda. Qolaversa, 3 aprel kuni o‘tadigan OCHL-2018 doirasidagi “Al Vahda” bilan bellashuvga ham hozirlik davom etmoqda.
Bugun ham “temiryo‘lchilar” jamoasi “Lokomotiv” stadionida mashg‘ulot o‘tkazdi. Unda milliy terma jamoa hamda olimpiya terma jamoaga jalb etilgan 9 nafar o‘yinchidan boshqa barcha ishtirok etdi. Murabbiylar shtabi bir qator yoshlar jamoasi a’zolarini ham mashg‘ulotga jalb etishni lozim topdi.
Quyida "Lokomotiv" jamoasining mashg‘ulotidan fotolavhalarni tomosha qilishingiz mumkin:
