Turkiyalik jurnalistlardan biri o‘tgan asrning 90-yillarida mamlakatda ommalashayotgan serialni tomosha qilayotib, qiziq kadrlardan biriga guvoh bo‘ldi. Unda Shenol Gunesh va yana bir qancha yulduz futbolchilar ishtirok etgandi.

2002 yilgi jahon chempionatida Turkiya terma jamoasini murabbiy sifatida boshqarib, yakunda uchinchi o‘rinni qo‘lgan kiritgan Shenol Guneshga oid sir, buni qarangki, biz uchun ham juda muhim bo‘lib chiqdi.

Ayni paytda “Beshiktosh”ni boshqarayotgan mohir murabbiy, bir paytlar serialda suratga tushganligi aniqlandi.

Ya’ni Shenol Gunesh 1995 yilda Turkiya televideniyesida namoyish etilgan “Gul Taksi” (“Çiçek Taksi”)ning birinchi qismida rol ijro etgan ekan. Ushbu serialning bir necha qismi “Trabzonspor” futbol klubiga oid.

Shuningdek, 1990 yillarda “Trabzonspor”ning mashhur yulduzlari - Unal Karaman, Hami Mandirali va hozirda “Paxtakor”ni boshqarayotgan Shota Arveladze ham “Gul taksi”da Shenol Gunesh bilan suratga tushganligi ma’lum bo‘ldi.

Ma’lumot uchun, Shota Arveladze “Paxtakor”ni 2017 yilning sentyabr oyidan beri boshqarib kelmoqda.