Yevropa chempionlar ligasining chorak final bosqichida «Yuventus» va «Real» o‘rtasidagi dastlabki o‘yin Turinda bo‘lib o‘tadi. Madridliklar bosh murabbiyi Zayniddin Zidan uchrashuv oldidan o‘z fikrlarini bildirib o‘tdi.

"Shaxsan men uchun "Real" va "Yuventus" o‘rtasidagi o‘yin o‘ziga xos ahamiyatga ega. Bu ikki klub menga ko‘p narsa bergan. Lekin o‘yin boshlanishi bilan men bu haqda o‘ylashni to‘xtataman. Biz qilishimiz kerak bo‘lgan ishni amalga oshirishga harakat qilamiz.

"Yuventus" o‘tgan yilga nisbatan kuchaygan. Shu bois, ularga qarshi o‘yinlar qiyin va og‘ir kechadi. Keyingi bosqichga chiqish uchun munosib ekanimizni isbotlashimiz kerak. "Yuventus"ni mag‘lub etishni istasak, yaxshi o‘ynashimiz kerak. Biz o‘z an’anamizga sodiq qolga holda sovrinni himoya qilishni istaymiz", – dedi Zidan AS nashriga bergan intervyusida.

Eslatib o‘tamiz, "Yuventus" va "Real" o‘rtasidagi dastlabki o‘yin 3 aprel kuni 23:45da boshlanadi.