Bugun mamlakatimizning ikki shahrida Superliganing 5-turi doirasida ikki o‘yin bo‘lib o‘tadi.
Birinchisi Buxorada mahalliy "Buxoro" va Toshkentning "Paxtakor" amoalri o‘rtasida bo‘lib o‘tadi. Buxoroliklar shu turgacha 4 o‘yinda 6 ochko to‘plab Superliga jadvalida 8-o‘rinda bormoqda. Poytaxtliklar 4 o‘yinda 9 ochko to‘plaganlar. 13 ochko bilan peshqadamlik qilyotgan "Bunyodkor"dan ortda qolmaslik uchun "sherlar"ga bugun uch ochko juda ham kerak.
Ikkinchi uchrashuv Bekobodda bo‘lib o‘tadi. "Metallurg" o‘z maydonida Jizzaxning "So‘g‘diyona"sini qabul qiladi. Toshkent viloyati vakillari shu turgacha 6 ochko bilan 7-o‘rinda kelmoqda. Jizzaxliklar esa hozirda chempionat autsayderiga aylanib bormoqda. 4-turdan so‘ng 1 ochko to‘plagan "So‘g‘diyona" bugun mag‘lubiyatga uchrasa, ahvoli yanada yomonlashadi.
Eslatib o‘tamiz, har ikki o‘yin Sport TV telekanali orqali jonli translyasiya qilinadi.
O‘zbekiston Superligasi, 5-tur
6 aprel, juma
18:00. "Buxoro" - "Paxtakor"
20:00. "Metallurg" - "So‘g‘diyona"
