Бугун мамлакатимизнинг икки шаҳрида Суперлиганинг 5-тури доирасида икки ўйин бўлиб ўтади.

Биринчиси Бухорада маҳаллий "Бухоро" ва Тошкентнинг "Пахтакор" амоалри ўртасида бўлиб ўтади. Бухороликлар шу тургача 4 ўйинда 6 очко тўплаб Суперлига жадвалида 8-ўринда бормоқда. Пойтахтликлар 4 ўйинда 9 очко тўплаганлар. 13 очко билан пешқадамлик қилётган "Бунёдкор"дан ортда қолмаслик учун "шерлар"га бугун уч очко жуда ҳам керак.

Иккинчи учрашув Бекободда бўлиб ўтади. "Металлург" ўз майдонида Жиззахнинг "Сўғдиёна"сини қабул қилади. Тошкент вилояти вакиллари шу тургача 6 очко билан 7-ўринда келмоқда. Жиззахликлар эса ҳозирда чемпионат аутсайдерига айланиб бормоқда. 4-турдан сўнг 1 очко тўплаган "Сўғдиёна" бугун мағлубиятга учраса, аҳволи янада ёмонлашади.

Эслатиб ўтамиз, ҳар икки ўйин Sport TV телеканали орқали жонли трансляция қилинади.

Ўзбекистон Суперлигаси, 5-тур
6 апрель, жума

18:00. "Бухоро" - "Пахтакор"
20:00. "Металлург" - "Сўғдиёна"