“Real” ustozi Zinedin Zidanning aytishicha, “Barselona” “Kamp Nou”dagi el-klasikoga qadar La Liga chempionligini rasmiylashtirgan taqdirda “qirollik klubi” ular uchun chempionlar yo‘lagi tashkil qilib bermaydi. “Kamp Nou”dagi to‘qnashuv 36-turga to‘g‘ri keladi va 6 mayda o‘tkaziladi.
“Biz “Barselona” “Kamp Nou”dagi o‘yinimizga qadar chempionlikni rasmiylashtirgan taqdirda chempionlar yo‘lagi tashkil qilib bermaymiz. Bu — mening qarorim. Chunki aynan kataloniyaliklar bu an’anani buzishgan. “Barselona” “Real” klublar o‘rtasidagi jahon chempionatida g‘olib chiqqanida tabriklashni istamagan”, dedi Zidan.
