Xosep Gvardiola o‘n yillik faoliyatidan so‘ng «Manchester Siti» bosh murabbiyi lavozimini tark etdi. The Touchline nashrining RealTolmie'ga tayanib xabar berishicha, Gvardiola Yurgen Kloppdan Mayorkadagi villasida dam olish taklifini olgan.
Nemis mutaxassisi bu taklifni «Liverpul»dan ketayotgan vaqtidayoq bildirgan edi. Pep esa Yurgenga birgalikda shampan vinosidan bahramand bo‘lishga va’da bergandi. Eslatib o‘tamiz, Yurgen Klopp 2015-2024 yillar mobaynida «Liverpul»ni boshqargan va mersisaydliklar ushbu yillar davomida Xosep Gvardiolaning «Manchester Siti»siga Angliyadagi asosiy raqobatchi bo‘lib kelgan.
Gvardiola boshqaruvidagi «Manchester Siti» o‘z tarixidagi oxirgi o‘yinini «Aston Villa»ga qarshi o‘tkazib, 1:2 hisobida mag‘lubiyatga uchradi.













