Хосеп Гвардиола ўн йиллик фаолиятидан сўнг «Манчестер Сити» бош мураббийи лавозимини тарк этди. The Touchline нашрининг RealTolmie'га таяниб хабар беришича, Гвардиола Юрген Клоппдан Майоркадаги вилласида дам олиш таклифини олган.
Немис мутахассиси бу таклифни «Ливерпуль»дан кетаётган вақтидаёқ билдирган эди. Пеп эса Юргенга биргаликда шампан виносидан баҳраманд бўлишга ваъда берганди. Эслатиб ўтамиз, Юрген Клопп 2015-2024 йиллар мобайнида «Ливерпуль»ни бошқарган ва мерсисайдликлар ушбу йиллар давомида Хосеп Гвардиоланинг «Манчестер Сити»сига Англиядаги асосий рақобатчи бўлиб келган.
Гвардиола бошқарувидаги «Манчестер Сити» ўз тарихидаги охирги ўйинини «Астон Вилла»га қарши ўтказиб, 1:2 ҳисобида мағлубиятга учради.
