"Barselona" - "Roma" to‘qnashuvida barcha masala birinchi o‘yinda hal bo‘lgandek edi, ammo "bo‘rilar" bunga rozi emasliklarini namoyish etishdi.

Rimliklar bahsning 6-daqiqasidayoq hisobni ochishga muvaffaq bo‘lishdi. Oldinga chiziqqa yetkazilgan uzatmani Jeko egallab oldi va yakkama-yakka vaziyatda darvozani zabt etdi.

Mazkur gol kataloniyaliklarni "uyg‘otmadi". Italiyaliklar hujumda qilishda, raqib darvozasi oldida xavfli vaziyatlarni yaratishda davom etishdi. Ikkinchi bo‘limning 57-daqiqasida Pike o‘z jarima maydonchasi ichida Jekoni qo‘lidan tortib yiqitdi. Hakam esa penalti belgiladi. O‘tgan o‘yinda avtogol muallifiga aylangan Daniyele de Rossi 11 metrli jarima zarbasidan samarali foydalandi. 2:0. Yana bitta gol qolgandi.

Tabiiyki, maqsadga juda yaqin qolgani "Roma"dagi ishtiyoqni keskin oshirib yuborgan bo‘lsa, Valverde shogirdlari hamon hisobdan kelib chiqib o‘ynashda davom etishdi. Buning uchun "rimlik risarlar" mukofotlanishdi. Bahsning 82-daqiqasida burchakdan yetkazilgan uzatmani Kostas Manolas bosh bilan ter Shtegen qo‘riqlayotgan darvozaga joylab qo‘ydi — 3:0! "Kamp Nou"dagi o‘yinda yana bir avtogol muallifi.

Mana shundan keyingina "Barsa" uyg‘ondi, so‘nggi daqiqalarda nimalardir qilishga urindi. "Roma" himoyada mustahkam o‘ynadi. Qo‘shib berilgan daqiqalarda Dembele olis masofadan bo‘sh qolgan darvozani ishg‘ol eta olmadi.

Shu tariqa, deyarli hech kim, hattoki, "Roma" muxlislari ham kutmagan mo‘’jiza ro‘y berdi. "Barselona" dastlabki o‘yinda 4:1 hisobida g‘alaba qozonib, YECHLni tark etmoqda. "Bo‘rilar" esa yarim finalda!

Yevropa chempionlar ligasi, chorak final, dastlabki o‘yin
Roma Italiya – Barselona Ispaniya 3:0 (1:0, 2:0)
Gollar: 1:0 – 6 Djeko, 2:0 – 58, penalti de Rossi, 3:0 – 82 Manolas.
Roma – Alisson, Fasio, Jezus, Kolarov, Manolas, Nainggolan (El-SHaaravi, 77), Florensi, Strotman, de Rossi, Djeko, Shik (Under, 73).
Barselona – ter Stegen, Pike, Alba, Nelson Semedu (Dembele, 85), Umtiti, Serdji Roberto, Rakitich, Buskets (Pako Alkaser, 85), Inyesta (Andre Gomesh, 81), Messi, Suares.
Ogohlantirishlar: Fasio (38), Jezus (44), Pike (57), Messi (63), Suares (72).
Dastlabki o‘yin: 1:4.