"Paxtakor" bosh murabbiyi "Qizilqum" bilan bellashuvdan so‘ng matbuot anjumanida ishtirok etdi.
- Jamoa uchun biroz qiyin davr o‘tmoqda. 1:0 har doim xavfli natija sanaladi. Bugun raqibga ko‘p imkon bermadik. Ular darvozamizga biror marta aniq zarba berishmadi. Biz o‘yinni nazorat qildik, ammo ko‘p holatlarda oxirgi ishni uddalay olmadik. To‘p oshirishi yoki zarba yetishmadi.
Zaxiradan tushgan futbolchilar bizga katta foyda berdi. Masalan, Andreev tushgach Kozak tayanch o‘yinchisi sifatida harakat qilishga o‘tdi, Bahrom markazda chiroyli o‘ynadi. Superligada har bir bellashuvda g‘alaba qozonish juda qiyin. Biz ko‘proq gollar urishimiz ham mumkin edi. Ammo yaratilgan vaziyatlardan yetarlicha foydalana olmadik. Suyunovga esa ko‘p ish bo‘lmadi.
