O‘zbekiston Futbol assosiasiyasining yurtimizda bolalar futbolini rivojlantirish chora tadbirlari rejasiga asosan joriy yilning 14 aprel kuni Navoiy viloyatida “Bolalar ligasi” musobaqasiga start berildi.
Musobaqaning dastlabki o‘yini 2003 yilda tug‘ilgan futbolchilardan tashkil topgan “Qizilqum” BO‘FM va FMI jamoalari o‘rtasida bo‘lib o‘tdi. O‘yinda “Qizilqum” BO‘FM futbolchilari FMI jamoasi davozasiga javobsiz 8 ta to‘p kiritib, 8-0 hisobida g‘alaba qozondi.
Musobaqa reglamentiga ko‘ra o‘yinlar 5 ta yosh toifasiga bo‘lingan holda tashkil etilib, 2 davraga bo‘lingan holda iyun oyiga qadar davom etadi. Musobaqada Navoiy viloyatining barcha BO‘SM, IBO‘SM, OZK, BO‘FM va FMI tarbiyalanuvchilari ishtirok etadilar. Musobaqani O‘zbekiston o‘smirlar terma jamoasi murabbiylari hamda seleksionerlari kuzatib borib, iqtidorli futbolchilar saralab olishadi.
