Angliya Premyer-ligasining 35-turida «Brayton» «Tottenhem»ni qabul qildi. «Falmer – Ze Ameks» stadionida kechgan uchrashuv 1:1 hisobidagi durang bilan yakunlandi.

Mehmonlar safida Harri Keyn Son Xin Minning pasidan keyin 48-daqiqada hisobni ochdi. Ikki daqiqa o‘tib Paskal Gross penaltini aniq ijro etdi va hisobni tenglashtirdi.

Shu tariqa, «Brayton» APLdagi g‘alabasiz seriyasini davom ettirdi (ikki durang va uch mag‘lubiyat).

«Tottenhem» 68 ochko jamg‘argan holda Angliya chempionati turnir jadvalida uchinchi o‘rinda, «Brayton» 36 ochkosi bilan – 13-o‘rinda joylashgan.

Angliya chempionati, 35-tur
Brayton – Tottenhem 1:1 (0:0, 1:1)
Gollar: 0:1 – 48 Keyn, 1:1 – 50, penalti Gross.
Brayton – Rayan, Daffi, Bong, Saltor, Dank, Stivens, Knokert, Kayyal, Gross, Iskyerdo (March, 77), Myurrey (Ulyoa, 74).
Tottenhem – Lyoris, Alderveyreld, Devis, OrYE, Vertongen, Lukas Moura (Lamela, 74), Vanyama, Sissoko (Dembele, 74), Eriksen, Son Xin Min, Keyn (Lyorente, 85).
Ogohlantirish: Dank (11).