“Navbahor” – “Bunyodkor” uchrashuvidan keyingi matbuot anjumanining ikkinchi qismida namanganliklar ishtirok etishdi.
- G‘alaba qozonganimizdan xursandan. Jizzaxda uchralgan mag‘lubiyat tasodif ekanligini isbotlay oldik. O‘sha bahsda so‘nggi daqiqalarda g‘alabani qo‘ldan chiqargan bo‘lsak, bugun qiyin vaziyatdan uch ochkoga ega chiqdik. Shogirdlarim uch taym o‘ynashga ham tayyor edilar. Ko‘rsatmalarimizni to‘liq bajarishgani uchun ularga alohida rahmat aytaman. O‘ylaymanki, bugungi g‘alaba Jizzaxdagi mag‘lubiyatni yuvib yubordi.
Nenad Inyasning tezligi yomon emas. Undan asosan ikkinchi qavatda ko‘proq foydalanyapmiz. Uning mahorati balad. Mana bugun u o‘z mahoratini isbotlay oldi va raqib darvozasini ishg‘ol qildi. Har bir uchrashuvga va raqibga qarab taktika tanlayapmiz. Avvalgi turlarda Mehmonov yo‘q edi. Bugun u maydonga tushdi va g‘alaba to‘pini kiritdi. Jabborov bugungi uslubimizga mos emasdi, undan keyingi uchrashuvlarda foydalanamiz, - deydi Ilhom Ibrohimovich.
- Bugungi bahsdagi g‘alaba biz uchun suv va havodek zarur edi. Bizni qo‘llab-quvvatlab turgan Namangan ahlini yutuq bilan tabriklayman, - deydi “Navbahor” tarkibida uchrashuvning eng yaxshi futbolchisi, deb topilgan Azizbek Turg‘unboyev.
