“Arsenal”ning o‘sha mashhur “Wenger Out” shiori bilan mashhur muxlislari bu safar fransiyalik mutaxassisga o‘zgacha hurmat bildirishni taklif qilishdi. Ular klubning uy stadioni — “Emireyts”ning nomi “Arsen Venger Stedium” deb o‘zgartirilishini istashmoqda. Xususan, “Arsenal”ning sobiq futbolchilari Pol Merson, Alan Smit va klubning sodiq muxlislari quyidagi fikrni bildirishgan:
“Emireyts”ning nomini o‘zgartirib — klub bundan hech narsa yo‘qotmaydi — “Arsen Venger Stedium” deb nomlash kerak. Bu — uning stadioni. Bu stadionni Venger qurgan. Klub shuningdek stadionni “Emireyts Arsen Venger Stedium” deb nomlashi ham mumkin. Venger bunga munosib”.
