Superliganing 7-tur uchrashuvlarini ko‘rish uchun jami 69 282 nafar tomoshabin stadionlarga tashrif buyurdi. Mazkur raqam futbol muxlislarining stadionlarga qaytishi davom etayotganidan darak beradi.
Ortda qolgan 7 ta tur davomida jami 42 ta uchrashuv o‘tkazilgan bo‘lsa, ularni jami 496 862 nafar ishqiboz stadionlardan kuzatib bordi.
2017 yilgi mavsumda jamoalar soni 4 taga ko‘proq edi. Shundan kelib chiqib, dastlabki 7 ta turda jami 56 ta o‘yin o‘tkazilgan. Muxlislar soni esa jami 306 562 nafarni tashkil qilgan.
Mana shu raqamlar ham muxlislar soni borasida o‘sish ko‘zga tashlanayotganidan darak beradi. Oliy Liganing 2017 yilgi mavsumi 7-turiga qadar muxlislarning stadionlargacha o‘rtacha tashrifi 5 474 nafarni tashkil qilgan bo‘lsa, Superliganing ilk mavsumida bu ko‘rsatkich 11 830 nafarga yetdi. Ya’ni, hozircha ko‘rsatkich ikki barobar yaxshilangan.
