25 aprel kuni “Qo‘qon-1912” Superliga 8-tur doirasida Jizzaxda “So‘g‘diyona” mehmoni bo‘ladi.
An’anamizga sodiq qolgan holda navbatdagi raqib bilan bo‘lgan o‘yinlardagi statistik ma’lumotlarga nazar tashlaymiz.
O‘zaro o‘yinlar
Bu jamoalar O‘zbekiston chempionati doirasida 22 marta o‘zaro maydonga tushishgan. Uchrashuvlarning 11 tasida jizzaxliklar g‘alaba qozonishgan. Yettita o‘yinda qo‘qonliklar qo‘li baland kelgan. To‘rtta bahsda g‘olib nomi aniqlanganman. To‘plar nisbati – 37-27, “So‘g‘diyona” foydasiga.
O‘zaro o‘yinlarda “So‘g‘diyona” 37 ochkoni qo‘lga kiritgan bo‘lsa, “Qo‘qon-1912”ning bu boradagi ko‘rsatkichi 25 ochkoni tashkil etadi.
“So‘g‘diyona” maydonida o‘tgan so‘nggi 5 uchrashuv:
19.11.2017 «So‘g‘diyona» – «Qo‘qon-1912» 2:1
29.10.2016 «So‘g‘diyona» – «Qo‘qon-1912» 1:1
26.06.2015 «So‘g‘diyona» – «Qo‘qon-1912» 2:1
14.09.2002 «So‘g‘diyona» – «Qo‘qon-1912» 1:0
10.05.2000 «So‘g‘diyona» – «Qo‘qon-1912» 3:2
Hakamlar
25 aprel chorshanba kuni bo‘lib o‘tadigan o‘yinni Vladislav Seytlin boshchiligidagi hakamlar boshqarib borishadi.
Ushbu hakam 1-turdan o‘rin olgan “Buxoro” – “Qo‘qon-1912” uchrashuvida ham ishlagan edi.
Superliga 8-tur.
“So‘g‘diyona” – “Qo‘qon-1912”
Hakamlar: V.Seytlin (Toshkent), R.Fozilov (Namangan), M.Nexochin (Namangan), SH.Rajabov (Buxoro).
Nazoratchi – R.Serazetdinov (Toshkent).
Komissar – E.Baxtiyorov.
Boshlanish vaqtlari
Ushbu jamoalar o‘rtasidagi bahs chorshanba kuni soat 20:30da boshlanadi va “Sport TV” orqali to‘g‘ridan-to‘g‘ri olib ko‘rsatiladi. O‘rinbosarlar o‘yini esa ertaga soat 16:00da boshlanishi rejalashtirilgan.
