Futbol muxlislariga yaxshi ma’lumki, FIFA va OFK tomonidan so‘nggi yillarda ayollar futboliga katta e’tibor qaratilmoqda. Turli musobaqalar va chempionatlar tashkil etilmoqda. O‘zbekiston futbol assosiasiyasi tomonidan ham yurtimizda ayollar futbolini rivojlantirish yo‘lida bir qator amaliy ishlar amalga oshirilmoqda.

Shu yilning 2-12 may kunlarida Tailandda ayollar o‘rtasida futzal bo‘yicha Osiyo chempionati o‘tkaziladi. Ushbu musobaqada futzal bo‘yicha O‘zbekiston ayollar terma jamoasi ham ishtirok etadi. Shu munosabat bilan, O‘FA futbolchi qizlarimizning ushbu musobaqada muvaffaqiyatli ishtirokini ta’minlash maqsadida bir qator shart-sharoitlar yaratib bermoqda. Jumladan, bugun 25 aprel kunidan boshlab ayollar terma jamoasi “Chig‘atoy” sport bazasi joylashgan holda “Bunyodkor” stadionining zalida mashg‘ulotlarga kirishdi.

Futzal bo‘yicha ayollar o‘rtasidagi Osiyo chempionatida O‘zbekiston ayollar terma jamoasi bilan birgalikda Tailand, Eron, Yaponiya, Malayziya, Xitoy, Gonk Kong, Vyetnam, Bahrayn, Xitoy Taypeyi, Livan, Makao, Turkmaniston, Bangladesh hamda Indoneziya terma jamoalari ishtirok etishadi.

O‘zbekiston terma jamoasi amaldagi chempion Eron va musobaqa debyutanti Turkmaniston jamoalari bilan bir guruhdan o‘rin olgan. Jamoamiz dastlabki o‘yinini 5 may kuni Turkmaniston jamoasiga qarshi, ikkinchi o‘yinni esa 7 may kuni Eronga qarshi o‘tkazadi.

Quyida yig‘inda qatnashayotgan terma jamoamiz tarkibi bilan tanishishingiz mumkin:

Darvozabonlar:
Tilalova Laylo – “Sevinch”
Jonimqulova Maftuna – “Sevinch”

Himoyachilar:
Shoimova Maftuna – “Sevinch”
Zarbiyeva Tanzilya – “Sevinch”
Munavarova Mavluda – “Metallurg”
Nazarova Zumradjon – “Metallurg”
Turdialiyeva Iroda – “Metallurg”
Dadaboyeva Xolida – “Metallurg”
Kamoltoyeva Nozima – “Metallurg”

Hujumchilar:
Qudratova Nilufar – “Sevinch”
Burxanova Malika – “Sevinch”
Safina Rushaniya – “Bunyodkor”
Karachik Lyudmila – “Bunyodkor”
Turdiboyeva Feruza – “Metallurg”