“Barselona” klubi yarim himoyachisi Serxio Buskets Ispaniya chempionatida zafar quchgandan so‘ng taassurotlari bilan bo‘lishdi.

“Oltin dubl”dan so‘ng ehtiroslarimni jilovlay ololmayapman. Shunchaki dahshat, biz so‘nggi 10 yillikda 7 marta chempionlikni qo‘lga kiritdik. Mavsumni munosib tarzda yakunlayapmiz. Mavsum davomida deyarli pasayishlar kuzatilmadi. Mavsumni omadli boshlaganimiz ishonchimizni yanada oshirdi. “Atletiko” ustidan qozonilgan g‘alaba esa bizni yanada kuchli qildi.

Inyesta? Bir tomondan qarasa, jamoani tark etayotganidan xafaman ammo bu uning qarori. Biz unga hurmat ila yondashamiz va har safar qo‘llab-quvatlaymiz. U “Barselona”da tarixni yaratdi va biz shundek futbolchi bilan o‘ynaganimizdan g‘ururlanamiz. Endi qolgan o‘yinlarda bosimlarsiz o‘ynashimiz mumkin”, - deydi Buskets.