“Барселона” клуби ярим ҳимоячиси Серхио Бускетс Испания чемпионатида зафар қучгандан сўнг таассуротлари билан бўлишди.

“Олтин дубль”дан сўнг эҳтиросларимни жиловлай ололмаяпман. Шунчаки даҳшат, биз сўнгги 10 йилликда 7 марта чемпионликни қўлга киритдик. Мавсумни муносиб тарзда якунлаяпмиз. Мавсум давомида деярли пасайишлар кузатилмади. Мавсумни омадли бошлаганимиз ишончимизни янада оширди. “Атлетико” устидан қозонилган ғалаба эса бизни янада кучли қилди.

Иньеста? Бир томондан қараса, жамоани тарк этаётганидан хафаман аммо бу унинг қарори. Биз унга ҳурмат ила ёндашамиз ва ҳар сафар қўллаб-қуватлаймиз. У “Барселона”да тарихни яратди ва биз шундек футболчи билан ўйнаганимиздан ғурурланамиз. Энди қолган ўйинларда босимларсиз ўйнашимиз мумкин”, - дейди Бускетс.