“Real” klubi himoyachisi Serxio Ramos “Bavariya”ga qarshi bo‘lib o‘tadigan o‘yin oldidan uchrashuv haqida fikrlarini bildirib o‘tdi.

“Zidan – ajoyib murabbiy, u bilan bir jamoada ishlayotganimda xursandman. Murabbiy qanot himoyasida kimni tushurishni biladi. Bizga Karvaxal yordam bera olmaydi. Raqib o‘z imkoniyatlaridan foydalanib ketmasligi uchun vujudga kelgan bo‘shliqni to‘ldirishimiz kerak. 

“Bernabeu”da tungi futbol kechalari ajoyib o‘tadi. Sodiq muxlislar oldida o‘ynash maroqli. Ular bizni shu kungacha kelishimizga yordam berishdi. Endi bu o‘yinda ham, qo‘llab turishlarini so‘rardim. “Santyago Bernabeu”da yuzaga keladigan bosimga hamma ham chiday olmaydi”, - deydi Ramos.