“Barselona” klubining xabar berishicha, Lionel Messini 1000talik dovonni zabt etdi.
Argentinalik futbolchi La Liga 35-turida “Deportivo” darvozasiga uchta gol kiritdi. “Barselona” rasmiy saytining xabar berishicha, agar Messining bolalikdagi gollari ham qo‘shib hisoblansa, uning gollari 1001 taga yetdi.
Hisob-kitoblarga ko‘ra, Messi klub safida 687 ta o‘yinda 583 ta gol urgan. Bolaligida “Nyuells Old Boyz” safida esa 234 ta gol kiritgan. Yana 105 ta golni “Barselona” yoshlar jamoasi safida urgan. Argentinaning turli yoshdagi terma jamoalari safida urilgan 79 ta gol qo‘shib hisoblanganda Messining jami gollari 1001 taga yetadi.
Ta’kidlash kerakki, “Barselona” matbuot xizmati Messining yana xayriya o‘yinlarida kiritgan 23 ta golini hisobga qo‘shmagan.
