“Барселона” клубининг хабар беришича, Лионель Мессини 1000талик довонни забт этди.

Аргентиналик футболчи Ла Лига 35-турида “Депортиво” дарвозасига учта гол киритди. “Барселона” расмий сайтининг хабар беришича, агар Мессининг болаликдаги голлари ҳам қўшиб ҳисобланса, унинг голлари 1001 тага етди.

Ҳисоб-китобларга кўра, Месси клуб сафида 687 та ўйинда 583 та гол урган. Болалигида “Ньюэллс Олд Бойз” сафида эса 234 та гол киритган. Яна 105 та голни “Барселона” ёшлар жамоаси сафида урган. Аргентинанинг турли ёшдаги терма жамоалари сафида урилган 79 та гол қўшиб ҳисобланганда Мессининг жами голлари 1001 тага етади.

Таъкидлаш керакки, “Барселона” матбуот хизмати Мессининг яна хайрия ўйинларида киритган 23 та голини ҳисобга қўшмаган.