Pepsi Superliga 10-turi doirasidagi “Bunyodkor” – “Nasaf” uchrashuvi oldidan yig‘ilish bo‘lib o‘tdi.
Jamoalar menejerlari va uchrashuv rasmiylari ishtirok etgan yig‘ilishni o‘yin komissari Ma’mur Saidqosimov olib bordi. Unda uchrashuv atrofidagi tashkiliy masalalar muhokama qilindi.
Shuningdek, jamoalarning ertangi bahsda qanday rangli liboslarda to‘p tepishi ham aniqlab olindi. Unga ko‘ra, “Bunyodkor” to‘q ko‘k, “Nasaf” oq libosda harakat qiladigan bo‘ldi.
Eslatib o‘tamiz, Pepsi Superliga 10-turi doirasidagi “Bunyodkor” – “Nasaf” uchrashuvi 4 may, juma kuni “Bunyodkor” stadionida soat 18:00da boshlanadi.
