“Barselona”ni mavsum so‘ngida tark etadigan yarim himoyachi Andres Inyesta , katta ehtimol bilan faoliyatini Osiyoda davom ettiradi.
Avvalroq, futbolchining Xitoy chempionati ishtirokchisi “Chunsin Lifan” klubiga o‘tishi taxmin qilingandi. Chin yurti vakillari Inyestaga 3 mavsum uchun 81 million yevro maosh va mukofot tariqasida 36 million yevro berishmoqchi edi.
Biroq bugun klub rasmiy bayonnoma bilan chiqdi: “Biz Inyesta bilan hamkorlik yo‘lga qo‘yamiz, ammo u safimizga futbolchi sifatida kela olmaydi”.
33 yoshli futbolchiga Xitoyning boshqa klublari va Yaponiya klubi “Vissel Kobe” xaridor bo‘lib turibdi.
Ma’lumot uchun, ushbu klub egasi Xiroshi Mikitani “Barselona”ning titul homiysi Rakuten’ning direktori hisoblanadi.
