“Барселона”ни мавсум сўнгида тарк этадиган ярим ҳимоячи Андрес Иньеста , катта эҳтимол билан фаолиятини Осиёда давом эттиради.

Аввалроқ, футболчининг Хитой чемпионати иштирокчиси “Чунцин Лифань” клубига ўтиши тахмин қилинганди. Чин юрти вакиллари Иньестага 3 мавсум учун 81 миллион евро маош ва  мукофот тариқасида 36 миллион евро беришмоқчи эди.

Бироқ бугун клуб расмий баённома билан чиқди: “Биз Иньеста билан ҳамкорлик йўлга қўямиз, аммо у сафимизга футболчи сифатида кела олмайди”.

33 ёшли футболчига Хитойнинг бошқа клублари ва Япония клуби “Виссел Кобе” харидор бўлиб турибди.

Маълумот учун, ушбу клуб эгаси Хироши Микитани “Барселона”нинг титул ҳомийси Rakuten’нинг директори ҳисобланади.