Superliganing 10-turida "Paxtakor" stadionida o‘tkazilgan uchrashuvda ishqibozlarga klub tomonidan turli sovg‘a va qulayliklar taqdim etildi.
O‘yinga tashrif buyurgan muxlislarga sariq rangli futbolkalar sovg‘a tariqasida berildi.
Ijtimoiy aksiyada ishtirok etgan ishqibozlardan ikki nafari o‘yin tanaffusida O‘FA hamda PFL rahbariyati tomonidan iPhone 8 smartfonini yutib olishdi.
Superliga titul homiysi “PEPSI” kompaniyasi tomonidan bepul salqin ichimliklar tarqatildi.
Shuningdek, stadionlarga oilaviy tashrif buyurgan muxlislar va jajji bolakaylar uchun bir qator qiziqarli attraksionlar o‘rnatilib, ular vaqtni chog‘ o‘tkazish imkoniyatiga ega bo‘lishdi.
