11 may kuni “Lokomotiv” PEPSI O‘zbekiston Superligasi 11-turi doirasida “Buxoro”ga qarshi bahs olib boradi.

Bugun mazkur uchrashuv oldidan o‘yin komissari, nazoratchisi hamda har ikkala jamoa vakillari ishtirokida yig‘ilish bo‘lib o‘tdi. Unda o‘yinning tashkiliy masalalari muhokama qilindi. Qolaversa, jamoalarning liboslari rangi aniqlab olindi.

Unga ko‘ra, “Lokomotiv” ertangi bahsni oq rangdagi libosda o‘tkazadi. “Temiryo‘lchilar” darvozaboni qora rangdagi formada maydonga chiqadi. Buxoroliklar esa to‘q ko‘k rangdagi formada o‘ynaydi. Mehmonlar posboni egnida qirmizi rangli libos bo‘ladi.

Ta’kidlash joiz, “Lokomotiv” – “Buxoro” o‘yini 11 may kuni poytaxtimizdagi “Lokomotiv” stadionida bo‘lib o‘tadi. Uchrashuv soat 20:30da start oladi.