Neymar "Barselona"dagi sobiq jamoadoshlari – Lionil Messi va Luis Suaresni qo‘msayotganini aytib o‘tdi.

"Bizning o‘rtamizdagi do‘stlikni hech narsaga qiyoslab bo‘lmas edi. Shuning uchun ham men "Barselona"dagi bu ikki o‘yinchini sog‘inaman. O‘rtamizdagi barcha munosabatlar xursandchiliklar ustiga asoslangandi.

Birgalikda shunday o‘yinlarni ham o‘tkazganmizki, unda men bir nechta raqib o‘yinchilaridan aldab o‘tib, to‘pni ularga yetkazib berganman. Messi o‘z raqiblarini boshqacha yo‘llar bilan dog‘da qoldirib ketar, Suares ham xuddi shunday yo‘l tutishga urinar va pasni tovoni bilan oshirar edi.

Biz shunday yo‘llar bilan raqiblarning ustidan kulishni boshlagandik. Biz shunchalik yaqin edikki, oramizdan kimdir xato qilsa yoki harakatlari o‘xshamay qolsa, bir-birimizni ustimizdan kulardik va bundan hech kim ranjimasdi", — dedi Neymar.

Eslatib o‘tamiz, Neymar PSJ klubining yangi mavsumdagi formasini kiyib, omma e’tiboriga havola qildi.