Milliy olimpiya qo‘mitasi tashabbusi bilan o‘tkazilayotgan «Olimpiya kelajagi» musobaqasining dzyudo bo‘yicha bahslarida navbatdagi finalchi aniqlandi.

Samarqand shahri mezbonlik qilgan bahslarda mezbonlar birinchi o‘rinni qo‘lga kiritib, final yo‘llanmasini qo‘lga kiritdilar. Ikkinchi va uchinchi o‘rinlar mos ravishda Toshkent shahri va Jizzax viloyati vakillariga nasib etdi.

Eslatib o‘tamiz, bungacha Qashqadaryo va Buxoro viloyati terma jamoalari hal qiluvchi final bahslariga yo‘llanmani qo‘lga kiritgandilar. Endi ular qatoriga samarqandlik dzyudochilar ham qo‘shildilar. So‘nggi finalchi 20 may kuni Namanganda bo‘lib o‘tadigan hududiy musobaqalarda ma’lum bo‘ladi.