Миллий олимпия қўмитаси ташаббуси билан ўтказилаётган «Олимпия келажаги» мусобақасининг дзюдо бўйича баҳсларида навбатдаги финалчи аниқланди.
Самарқанд шаҳри мезбонлик қилган баҳсларда мезбонлар биринчи ўринни қўлга киритиб, финал йўлланмасини қўлга киритдилар. Иккинчи ва учинчи ўринлар мос равишда Тошкент шаҳри ва Жиззах вилояти вакилларига насиб этди.
Эслатиб ўтамиз, бунгача Қашқадарё ва Бухоро вилояти терма жамоалари ҳал қилувчи финал баҳсларига йўлланмани қўлга киритгандилар. Энди улар қаторига самарқандлик дзюдочилар ҳам қўшилдилар. Сўнгги финалчи 20 май куни Наманганда бўлиб ўтадиган ҳудудий мусобақаларда маълум бўлади.
