“Manchester Siti” klubi bosh murabbiyi Xosep Gvardiola kelasi mavsum Angliya premyer-ligasida chempionlikka qaysi jamoa ko‘proq da’vogarlik qilishini aytdi.
“Joriy mavsum “Liverpul” APLda chempionlik uchun da’vogarlik qildi va kelasi mavsumda ham yana chempionlikni istashi aniq. “Liverpul” hujumida iste’dodli futbolchilar to‘p suradi, ularning himoyasi ham kuchli futbolchilardan tashkil topgan.
Menimcha, Virjil van Deykning jamoaga qo‘shilgani “Liverpul” himoyasini yanada kuchli bo‘lishiga yordam berdi. Klopp — top murabbiy. U nafaqat hujumkor o‘yin uslubini balki muxlislarni ham o‘ylaydi. U jamoada ajoyib muhitni yarata oladi.
To‘g‘ri, biz “Liverpul”dan 25 ochko o‘zib ketdik, ammo ular bizni mag‘lub etishdi. Kelasi mavsumda chempionlik uchun “Manchester Yunayted”, “Chelsi”, “Arsenal” va “Tottenxem” jamoalari ham qo‘shilishadi”, - deydi Gvardiola.
