Ispaniya chempionating 38-turidan o‘rin olgan “Real” - “Vilyarreal” uchrashuvi o‘z nihoyasiga yetdi.

Mazkur o‘yinda “qaymoqranglilar” hujumchisi Krishtianu Ronaldu o‘z hisobiga bitta gol yozib qo‘ydi.

Bu gol portugaliyalik futbolchi uchun joriy mavsumdagi 50-gol bo‘ldi.

U “Real” safida 44 ta va Portugaliya terma jamoasida 6 ta gol urishga muyassar bo‘ldi. Ronaldu bu ko‘rsatkichni ketma-ket 8-marta qayd etgan top-5 chempionatlarida o‘ynovchi dastlabki futbolchiga aylandi.

Shuningdek, Krishtianu “Real” libosida 437 ta o‘yin o‘tkazib, 450 gol urishga erishdi.