"Chelsi" bosh murabbiyi Antonio Konte kubdan ketishi haqidagi xabarlarga izoh berdi.

"Menda klub bilan shartnoma bor va unga to‘liq sodiqman. "Byornli"ga qarshi ushbu mavsumning ilk o‘yinidan boshlab doim tanqid ostida bo‘ldim. Ammo mening pozisiyam o‘zgarmaydi, men "Chelsi"ga sodiqman.

Men shartnoma qoidalariga to‘liq amal qilyapman. Ammo rahbariyat klub manfaati uchun istalgan qarorga kelishi mumkin. Men yirik klubni shug‘ullantiryapman, menga katta talablar bo‘lishini bilaman. Ammo hozir qo‘limizdan kelgan maksimum ishni bajarganimizni tan olish kerak.

Men o‘z klubimni sevaman va u ng yaxshi qarorni chiqarishiga ishonaman. Bu yerda o‘tkazgan ikki mavsumimda "Chelsi"ni va uning muxlislarini chindan sevib qoldim. Agar hamma uchun foyda keltirsa, iste’foga tayyorman.

Ikki yil davomida meni yaxshi o‘rgandilar deb o‘ylayman. Agar klub men bilan hamkorlikni davom ettirishni istasa, buni o‘zlari biladi. Men o‘zgarmayman. Har qanday holatda ham men oldinga intilaman, o‘z mehnatimga va shogirdlarim mahoratiga tayanaman. Men shundayman, men o‘zgarmayman. Futbolchiligimda shunday edim, murabbiylikda ham shunday qolaman", - deydi Konte.