Andres Inyesta yakshanba kuni bo‘lib o‘tgan so‘nggi turda o‘zining «Barselona» libosidagi so‘nggi o‘yinini o‘tkazdi. Shu fursatdan foydalanib, Goal nashri Andres Inyestaning klubdagi faoliyati davomidagi eng muhim lahzalarni yana bir bor eslab o‘tdi.
Van Gal qo‘li ostidagi debyut bahs
Andres Inyesta «Barselona» libosidagi ilk professional uchrashuvini keyinchalik 4 bora yutib olgan Chempionlar Ligasi musobaqasida o‘tkazgandi. 2002-03-yilgi mavsumda Lui Van Gal qo‘li ostida yarim himoyachi «Bryugge»ga qarshi debyut uchrashuvini o‘tkazdi. O‘yinda to‘liq 90 daqiqa o‘ynagan Inyestaning ilk uchrashuvi Rikelmening goli evaziga kichik g‘alaba bilan yakun topgandi.
Parijdagi Chempionlar Ligasi sovrini
Inesta bir necha marta 2006-yilgi «Arsenal»ga qarshi Chempionlar Ligasi final uchrashuvi futbolchilik faoliyatidagi eng qiyin lahzalardan biri bo‘lganini ta’kidlab o‘tgan. «Meni qonim qaynagandi», deya tan olgandi Inyesta keyinchalik. Bitta gol farqi bilan hisobda ortda qolayotgan «Barsa» Inyesta zaxiradan maydonga tushirilgach, o‘yin jarayoni o‘zgarib ketdi va kataloniyaliklar 2-1 hisobidagi g‘alaba bilan finalni yakunlagan edi. “Agar u maydonga tushmaganida, «Barsa» ushbu sovrindan bitta kam yutgan bo‘lardi” deya o‘z fikrini bildirdi Samyuyel Eto'o.
«Stemford Bridj»dagi «Inyestazo»
Inyesta nafaqat sermahsul to‘purar, balki eng muhim gollarni kiritishi bilan ham mashhurdir. Bunda ko‘pchilikning hayoliga avvalo 2008-09-yilgi Chempionlar Ligasi yarim finali kelsa kerak. «Barselona» musobaqani tark etishi aniqlashib borayotgan pallalarda Inyesta kataloniyaliklarga «qayta hayot bag‘ishlagan edi.» Keyinchalik mavsumni ajoyib trebl bilan yakunlagan klub sovrinlarida aynan Inyestaning ulkan hissasi ham bor.
5-0 hisobida tugagan «El Klassiko»dagi master-klass
Inyestaning eng esda qolarli lahzalari «El Klassiko»larga to‘g‘ri keladi. Baxtga qarshi, u 2010-yilning noyabridagi «El Klassiko»da «Real Madrid» darvozasini ishg‘ol qila olmagan bo‘lsada, Pep Gvardiola boshchiligida azaliy raqiblarini barcha jabhalarda yer tishlatgan edi. Inyesta Xavi va Buskets bilan birga maydonning markazida master-klass o‘tkazib bergandi.
«La Masiya» bilan birga golli uzatmalar het-trigi
«Levante» Inestaning faoliyatida muhim ahamiyat kasb etadi. Yarim himoyachi «Barsa» tarkibidagi ilk golini aynan Valensiya shahri vakili darvozasiga urgandi. «Barsa» libosida so‘nggi safar uchrashuvini ham aynan «Levante»ga qarshi o‘tgan hafta o‘tkazdi. Ammo 2012-yilda kataloniyaliklar Tito Vilanova qo‘li ostida «Levante»ni 4-0 hisobida dog‘da qoldirdi. O‘yinni ko‘p qismini «La Masiya» tarbiyalanuvchilari tashkil etgan bellashuvda Inesta uch ...
Davomi Barcafans.uz blogida
