Ukraina futboli rahbari Andrey Pavelko Yevropa klub futboli bosh turniri bosh sovrini - «shalpangquloq» kubokni 5 yoshli qizchasiga berib qo‘ydi va o‘z-o‘zidan muhokamalar markaziga tushdi.
Voqea tafsiloti
Andrey Pavelkoning qonuniy turmush o‘rtog‘i Yekaterina Chaus 5 yoshli qizchasi - Lizaning CHL kubogini o‘ynab turgan holati aks ettirilgan fotosuratlarni «Instagram» tarmog‘iga joylashtirdi. Oradan ma’lum vaqt o‘tgach, suratlar tarmoqdan o‘chirib tashlandi, biroq bu voqelik Ukrainada yetarlicha muhokama qilindi.
Suratlar avtomobil salonida olingan bo‘lib, ularga qarab, Liza CHL bosh sovriniga o‘yinchoqdek qaraganini osongina payqash mumkin. Muxlislarni ayni shu holat sarosimaga ham soldi.
Pavelko haqida
Andrey Pavelko - Ukraina xalq deputati, 2015 yilning mart oyidan buyon mamlakat futbol federasiyasi prezidenti. Tabiiyki, u Chempionlar Ligasi-2017|2018 tashkiliy qo‘mitasi a’zosi sanaladi.
«Shalpangquloq» kubok Kiyev finali tashkilotchilariga 21 aprel kuni topshirilgandi. Sovrin avvaliga poytaxtda, keyin Mariupol, Dnepropetrovsk, Xarkov, Odessa va Lvov shaharlarida muxlislarga namoyish etildi.
Kubokni asrash qoidasi
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
