Bugun Milliy olimpiya qo‘mitasi prezidenti Umid AhmadjonovO‘zbekiston futbol assosiasiyasi va Ispaniya milliy chempionati o‘rtasidagi o‘zar hamkorlik memorandumiga asosan yurtimizga tashrif buyurgan La liganing“Osiyo davlatlari bilan aloqalar” bo‘limi boshlig‘i Xais Raxmani va “Musobaqalar va turnirlar tashkil qilish” bo‘limi boshlig‘i Raul Oxedalar bilan uchrashgani haqida avval xabar berib o‘tgandik.
Kunning ikkinchi qismida Ispaniyalik mutaxassislar Xais Raxmani va Raul Oxedalar O‘zbekiston futbol assosiasiyasi va Professional futbol ligasi vakillari va milliy chempionatimizda ishtirok etayotgan klublar xodimlari uchun seminar o‘tkazishdi.
Seminarda milliy chempionat o‘yinlarini tashkil qilishda ahamiyat qaratish kerak bo‘lgan jihatlar, marketing masalalari, homiylar bilan ishlash, muxlislarni stadionlarga jalb qilish kabi mavzularida yig‘ilganlarga batafsil ma’lumot berib o‘tildi.
Ma’lumki, La liga bugungi kunda futbol bo‘yicha dunyodagi eng kuchli chempionatlardan biri hisoblanadi. Seminar davomida ana shunday kuchli chempionat vakillari o‘zlarining boy tajribalari hamda bilim va malakalarini yig‘ilganlar bilan o‘rtoqlashishdi.
Seminar ishtirokchilari o‘zlarini qiziqtirgan savollar bilan La liga mutaxassislariga murojaat qilib, tegishli javoblar olishdi.