O‘yindan keyingi matbuot anjumanining birinchi qismida "Bunyodkor" jamoasi bosh murabbiyi Mirjalol Qosimov va Anvar G‘ofurov jurnalistlar savollariga javob qaytardi.
Mirjalol Qosimov: - Avvalambor, "Paxtakor" jamoasini g‘alaba bilan tabriklayman. Jamoam man kutgan o‘yinni ikkinchi bo‘limda ko‘rsatdi. Lekin o‘yinda to‘liq o‘ynash kerak.
Hayot davom etadi: ertadan boshlab navbatdagi o‘yinlarga tayyorgarlikni davom ettiramiz. O‘yindan avval yigitlarga bugungi o‘yinda tomoshabin ko‘p bo‘lishini va chiroyli, tomoshabop o‘yin ko‘rsatishlari kerakligini aytgan edim. Afsus birinchi bo‘limda yigitlar ko‘ngildagidek o‘ynay olishmadi.
Anvar G‘ofurov: - Qo‘ldan kelgagcha o‘ynashga harakat qildik. Lekin birinchi bo‘limda o‘z o‘yinimizni topa olmadik va gol o‘tkazib yubordik. Navbatdagi o‘yinlarda g‘alaba qozonishga harakat qilamiz.
