Ўйиндан кейинги матбуот анжуманининг биринчи қисмида "Бунёдкор" жамоаси бош мураббийи Миржалол Қосимов ва Анвар Ғофуров журналистлар саволларига жавоб қайтарди.
Миржалол Қосимов: - Авваламбор, "Пахтакор" жамоасини ғалаба билан табриклайман. Жамоам ман кутган ўйинни иккинчи бўлимда кўрсатди. Лекин ўйинда тўлиқ ўйнаш керак.
Ҳаёт давом этади: эртадан бошлаб навбатдаги ўйинларга тайёргарликни давом эттирамиз. Ўйиндан аввал йигитларга бугунги ўйинда томошабин кўп бўлишини ва чиройли, томошабоп ўйин кўрсатишлари кераклигини айтган эдим. Афсус биринчи бўлимда йигитлар кўнгилдагидек ўйнай олишмади.
Анвар Ғофуров: - Қўлдан келгагча ўйнашга ҳаракат қилдик. Лекин биринчи бўлимда ўз ўйинимизни топа олмадик ва гол ўтказиб юбордик. Навбатдаги ўйинларда ғалаба қозонишга ҳаракат қиламиз.
