"Bunyodkor"ga qarshi o‘yinda g‘alaba goliga mualliflik qilgan Tiago Bezerra uchrashuv xususida fikrlarini bildirdi.
- G‘alaba va ajoyib oqshom uchun Yaratganga tashakkur. Birinchi bo‘limda o‘yin tizgini biz tomonda bo‘ldi.
Tanaffusdan keyin esa himoyaga e’tibor qaratgan holda qarshi hujum taktikasida o‘ynadik. Muhim va derbidagi g‘alaba kishini xursand qiladi.
Hozir g‘alabani nishonlash uchun yaxshi fursat. Ammo hali ishlashda davom etishimiz lozim. Mavsum uzoq davom etadi. Diqqatni yo‘qotmasligimiz kerak.
