Opta superkompyuteri 2026 yilgi Jahon chempionati 1/16 finalidan o‘rin olgan Germaniya va Paragvay terma jamoalari o‘rtasidagi uchrashuvda tomonlarning g‘alaba qozonish imkoniyatlarini hisoblab chiqdi. Bu haqda Opta Analyst portali xabar bermoqda. Ushbu uchrashuv bugun, 29 iyun kuni bo‘lib o‘tadi.
Olingan ma’lumotlarga ko‘ra, Germaniyaning asosiy vaqtda g‘alaba qozonish imkoniyati 71,2% ni tashkil etmoqda. Raqib jamoaning g‘alaba qozonish ehtimolligi esa 11,6% ga teng. Uchrashuvning qo‘shimcha bo‘limlar yoki penaltilar seriyasiga qadar davom etish (durang) imkoniyati 17,2% deya baholandi.
Eslatib o‘tamiz, guruh bosqichi yakunlariga ko‘ra, Germaniya terma jamoasi 6 ochko jamg‘arib, "E" kvartetida birinchi o‘rinni egalladi. Paragvay milliy terma jamoasi esa 4 ochko bilan "D" guruhida uchinchi pog‘onadan joy olgan edi.
