Superliga 13-turidan o‘rin olgan «Buxoro» -«Nasaf» uchrashuvidan so‘ng matbuot anjumani bo‘lib o‘tdi. Unda «Buxoro» ustozi Ulug‘bek Baqoyev va jamoa sardori Shavkat Salomovlar ishtirok etib o‘yin haqidagi fikrlarini bildirib o‘tdi. 

-  Bugungi  o‘yin qiyin kechdi. O‘yinda yaxshi o‘ynab turib oxirida yutkazish ham mumkin. Bugun  yigitlar maydonda kuchini ko‘rsatdi. Chunki “Qo‘qon-1912” bilan kechgan bahsdan so‘ng jismonan tiklanishga ulgurmagan edik.

Ular bugun maydon ma’suliyatini his etdi va jismonan charchashganiga qaramasdan astoydil harakat qildi. Buning uchun ularga va muxlislarga katta raxmat aytaman va “Nasaf”ning keyingi uchrashuvlarida omad tilab qolaman.

Shavkat Salomov – Bu futbol shunisi bilan qiziq. Namanganda yaxshi o‘ynadik lekin yutqazgan edik. Bugungi uchrashuvda Qo‘qon bilan bo‘lgan uchrashuvdan keyin toliqqanimiz bilinib turdi. Lekin bo‘sh kelmadik. Yana yuqoriga intilib yaxshi natijalar bilan muxlislarni hursand qilamiz.

«Buxoro» PFK matbuot xizmati