O‘zbekiston Kubogi nimchorak finalida "Paxtakor" ishonchli g‘alabaga erishdi.
"Iftixor"ga qarshi bellashuvda to‘liq tashabbusga ega bo‘lgan "Sherlar" birinchi bo‘limni xotirjamroq o‘tkazishdi. Raqib yaxshi himoyalangani bois hisob 34-daqiqaga kelib ochildi. Ahmedovning jarima maydoniga oshirgan to‘pini Hakimov boshi bilan darvozaga aniq yo‘lladi. Tanaffusga qadar ushbu gol yagona bo‘lib qoldi.
Ikkinchi bo‘lim boshida hujumkorlikni oshirgan "Paxtakor" 6 daqiqa ichida 3 bor to‘p kiritdi. Yaxshiboyev dastlab jarima maydoni tashqarisidan, keyin esa qanotdan Andreev oshirgan to‘pni boshi bilan darvozaga yo‘llab, dublini nishonladi. 54-daqiqada Abdurahimov raqib futbolchisini aldab o‘tib, darvozabonni ham dog‘da qoldirdi. 73-daqiqada Hakimov dublga erishdi. Bu safar unga to‘pni Andreev yetkazib bergandi. 83-daqiqada esa Ibrohimov o‘yinga yakuniy nuqtani qo‘ydi. "Paxtakor" 6:0 hisobidagi g‘alaba bilan chorak finalga yo‘l oldi.
"IFTIXOR" - "PAXTAKOR" - 0:6 (0:1)
28 may. "Paxtakor" stadioni. 423 tomoshabin.
Hakamlar: SH.Nasibullayev, R.Fozilov, M.Nexochin, G‘.Jo‘rayev.
"Iftixor": Muhammadov, Ma’murov (Muxtoraliyev, 78), Muhiddinov, Xolmatov (SHarifov, 69), Xudoyberdiyev (Abdulnabiyev, 75), Matmusayev, Yusupov, Oxunov, O‘rinboyev (Tilavoldiyev, 37), Yo‘ldoshev, Aliboyev.
"Paxtakor": Lobanov, Andreev, A’zamov (Kozak, 53), Krimes, Alijonov, Ahmedov (Sayfiyev, 79), Iskanderov, Ibrohimov, Yaxshiboyev (Masharipov, 89), Abdurahimov (Rahmatullayev, 58), Hakimov (Gonsalvesh, 74).
Gollar: Hakimov, 34 - 0:1. Yaxshiboyev, 48 - 0:2. Yaxshiboyev, 50 - 0:3. Abdurahimov, 54 - 0:4. Hakimov, 73 - 0:5. Ibrohimov, 83 - 0:6.
