«Napoli» klubi sobiq bosh murabbiyi Maurisio Sarri, katta ehtimol bilan, «Chelsi»ni boshqarmaydi. 59 yoshli mutaxassis o‘zining yaqinidagi odamlarga londonliklar bilan muzokaralar barbod bo‘lganini aytgan.

«Napoli» klubi huquqshunosi Mattia Grasani bayonot berib, Sarri da’vogar bo‘lgan har qanday nomzod jamoa avvalo nepolliklar bilan gaplashishi kerak. Murabbiyning "Napoli" bilan shartnomasi 2019 yilga qadar tuzilgan. Mazkur shartnomaga ko‘ra, murabbiy to‘g‘ridan-to‘g‘ri boshqa jamoalar bilan muzokara olib bora olmaydi.

Sarrining agenti Alessandro Pellegrini «Chelsi» borasida hazil qildi: «Chelsi» kimligini bilmayman. Bu futbol klubimi? Biz faqat «Napoli»ni bilamiz. Nima bo‘lishini oldindan bilganimda, meni lotereya sotib olgan bo‘lardim».

25 may kuni Sarri «Chelsi» bilan 4 yillik shartnoma va 6 million yevro yillik maosh borasida kelishib olgandi. Ammo londonliklar murabbiy uchun «Napoli»ga 8 million yevro miqdorida tovon puli to‘lashni istashmadi.

May oyida «Napoli»ga Karlo Anchelotti bosh murabbiy etib tayinlandi, Sarri esa hamon neapolliklar bilan shartnomaga ega.